Superiorja në dy javë, e treta të mërkurën…
Me Partizani- Teuta për t’u rekuperuar, edicioni i 85-të Kombëtar Abissnet Superiore’, mbylli 180 minutat e para.
Surpriza vjen nga juglindja dhe emri është Skënderbeu. Skuadra e famshme e viteve 2000, pas ndalimit 10 vjeçar nga UEFA për t’u përfaqësuar në Europë (2016 -2026) pas ngjites në Superiore këtë sezon, e ka nisur me 6 pikë të plota. Pak kush ka besuar…
Mirë ka nisur edhe Tirana e Vllaznia me bardheblutë që në dy takime jashtë shtëpie kanë mbledhur 4 pikë. Po aq dhe Vllaznia me një shtëpiake dhe një transfertë.
Pozitive paraqitja e Erzenit. Dy barazime dhe një super Mihana që udhëheq (së bashku me Balaj) listen e golashënuesëve (3) ka lënë pas krahëve vonesën në organizim.
Kahu i kundërt lidhet me fundin pasi Kukësi dhe Dinamo ende nuk kanë provuar shijen e pikëve. Nëse blutë luajtën mirë dhe te shifrat e tyre pati ndikim arbitrimi i kontestuar (te të dyja takimet), verilindorët kryesisht në përballjen e fundit me Egnatian lanë shumë për të dëshiruar.
Java e tretë luhet të mërkurën dhe të enjten e ardhëshme më 13-14 shtator.
Kalendari i javës së tretë 13-14 shtator 2023:
Dinamo-Kukësi
Egnatia- Erzeni
Laçi- Teuta
Tirana- Skënderbeu
Vllaznia- Partizani/Sportiim.al/
