Sprint në ‘shi’, Verstapen absolut
Dy nga tri garat Sprint të Botërorit 2023, bëhën të Maks Verstapen. Holandezi i Red Bull vijoi me paraqitjet e tij të jashtëzakonshme edhe në pisten e SPA të Belgjikës.
Kampionit në fuqi, iu desh të luftonte në xhirot e para me Oskar Piastrin për fitoren finale për shkak të një gare që filloi në kushte lagështire e që pilotët duhej të futeshin në bokse.
Në fund podiumi i parë në F1, për Oskar Piastri, i cili përfiton nga situata kaotike në ‘pit lane’ për të konfirmuar punën e mirë të bërë nga MeKlaren.
Alpine i Pier Gasli ishte gjithashtu befasues pasi kapi podiumin e tij të parë me makinën franceze, duke përfunduar në vendin e tretë pas një strategjie të përsosur që e vendosi atë përpara Ferrari-t të Sainz.
Garë e pafat për Serxhio Perez, i cili u detyrua të tërhiqej pas një kontakti me Hamilton (i penalizuar me 5 sekonda). Gara zyrtare nesër (diel) me start orën 15:00.
Dhjetë të parët në garën Sprint:
- M. Verstapen (RED BULL)
- O. Piastri (MCLAREN)
- P. Gasli (ALPINE)
- K. Sainz (FERRARI)
- Sh. Leklerk (FERRARI)
- L. Norris (MCLAREN)
- L. Hamilton (MERCEDES)
- Xh. Rasëll (MERCEDES)
- E. Okon (ALPINE)
- D. Riçiardo (ALPHA TAURI)
