Reinders te Milan: Numri 6 legjendë, marr 14-ën e Krojfit
Holandezi Tijani Reijnders, mesfushori i ri i Milan, foli për Milan TV në ditën e tij si nënshkrimi i pestë i verës së kuqezinjve:
“Jam shumë i lumtur dhe i kënaqur që jam këtu. Unë jam gjithashtu shumë krenar që jam pjesë e këtij klubi të madh.Kur agjenti im më tha se Milani ishte i interesuar për mua, isha i emocionuar dhe i lumtur.
Isha i lumtur që një klub si ky ishte i interesuar për mua dhe kështu zgjedhja ishte sinqerisht shumë e lehtë për mua. Nuk më duhej të mendoja dy herë”.
Numri në fanellë?
“Numri 6 është gjithmonë zgjedhja ime e parë, por nuk mund të marrësh numrin e një legjende të Milanit (Barezi;red). Numri 14 më bëri të mendoj për Johan Krujf, i cili ishte një lojtar shumë i rëndësishëm për ne në Holandë. Është një numër i bukur”, ndër të tjera.