Rajs zyrtarizohet te Arsenal
Ka ardhur sot zyrtarizimi Deklan Rajs. Arsenali tashmë ka në gjirin e tij ish kapitenin e Uest Hem për shumën rekord 105 milion paund.
Mesfushori i ‘Tre Luanëve’ me kalimin te ‘Topçinjtë’ shndërrohet në lojtarin e dytë më të shtrenjtë në historinë e Premier League angleze. Pas argjentinasit Enzo Fernandez (Çelsi pagoi 106.8 milion paund për ta marrë nga Benfika) Rajs thyen parametrat ekonomikë të një lojtari anglez.
Te skuadra e Mikel Artetës ai duket se ka marrë vendin e Granit Xhakës i cili së fundi i’u bashkua Bajer Leverkusen në Bundesligë.
Për shkatërruesin 24 vjeçar foli dhe trajneri spanjoll:
“Jemi të lumtur që Declan bashkohet me ne. Ai është një futbollist me aftësi të jashtëzakonshme, i cili prej kohësh performon në nivele të larta në Premier League dhe me kombëtaren angleze.
Declan i sjell kualitet të madh klubit tonë dhe ka potencialin për të qenë shumë i suksesshëm këtu. Ai ka një përvojë të madhe, edhe pse është vetëm 24 vjeç. Jemi shumë të gëzuar”, tha trajneri Mikel Arteta./Sportiim.al/