Bordi refuzon ankimimin, klubi francez: “Viktimë kolaterale”
Në emër të të gjithë bashkëlojtarëve dhe klubit, mesfushori i Annecy Ahmed Kashi i kishte shkruar një letër të hapur gjithë instancave sportive në Francë duke shprehur shqetësimin e thellë për padrejtësinë që mund të pësojë FC Annecy si pasojë e ndeshjes së ndërprerë mes Bordosë dhe Rodez për javën e fundit të Ligue 2 (2 qershor 2023).
Ndërkohë sot ka ardhur vendimi negativ i Bordit drejtues i ligës franceze të futbollit i cili u mblodh për të diskutuar ankesën e Annecy. Klubi ra në kategorinë e tretë për shkak të dhënjës së tri pikëve të asaj ndeshje të ndërprerë në tavolinë skuadrës së Rodez (0-3).
Annecy e konsideron veten “viktimë kolaterale” të këtij vendimi dhe kërkoi që Liga 2023/24 të kishte 21 ekipe, por LFP e refuzoi këtë kërkesë.
Për t’u kujtuar se gjatë sfidës Bordo- Rodez një tifoz i dehur vendas hyri në fushë dhe shtyu apo goditi lojtarin kundërshtar që shënoi gol. Bordo kërkonte ngjitjen në Ligue 1.
