Milan i zbehtë, Inter shkon në Stamboll
Champions League, gjysmëfinale:
Inter – Milan 1-0 (3-0)
Inter shkon në finalen e Stambollit pasi “shkelmoi” Milanin në gjysmëfinalen e Champions League. Zikaltërit fituan edhe në përballjen e dytë ndaj kuqezinjve në shifrat 1-0 duke e çuar rezultatin e përgjithshëm në 3-0.
Milan e nisi më mirë sfidën duke ngulmuar për të mbërritur te goli edhe pse për ekipin e Piolit nuk ndodhi diçka e tillë. Në pjesën e dytë, goli i Martinez hodhi poshtë shpresat e kuqezinjve, teksa për Interin ishte hapi i sigurisë.
Duken të dorëzuar nga Milano kuqezi pasi diferenca e golave shkoi në 3, ndërsa Inter administroi mjaft mirë avantazhin duke rrëmbyer fitoren e dytë në Ligën e Kampionëve përballë rivalëve numër një të tyre.
Kështu, zikaltërit konfirmohen si finalistët e parë dhe presin me qetësi kundërshtarin e tyre që do të përcaktohet nesër nga dueli Mançester Siti – Real Madrid. Ndeshja e parë është mbyllur në barazim 1-1 e ndërsa nesër spektakli në “Etihad”,duket i garantuar./Sara Gjidiaj-Sportiim.al/