Javë e nxehtë, hap Bylis-Teuta
Herët a vonë do të përballeshin në një sfidë vendimtare. Bylis i parafundit dhe Teuta e vendit të tetë, sot me start orën 15:00 në stadiumin ‘Adush Muça”. E gjitha për javën e 29 Abissnet Superiore. Ndonëse vendasit kanë kontigjentin e plotë, te durrsakët mungesat e Kuros dhe Karabecit prishin disi planet e teknikut Edi Martini.
Ndërkaq në 18:00, në “Niko Dovana”, Erzeni pret Kastriotin e Krujës. Te kampi i teknikut Xhevahir Kapllani ka bollëk mungesash pasi Alan Rodriges, Ardit Iljazi mungojnë për shkak kartonësh. Nga ana tjetër në listën e të dëmtuarve futbollistë me peshë si Nehar Sadiki e Xhelil Asani.
Krutanët me sfidën e prapambetur për tu luajtur të mërkurën e ardhëshme në Elbasan, sot pritet të jenë të plotë. Situata në fund por dhe afërsia gjeografike e bën këtë takim mjaft të paparashikueshëm.
Java e 29-të, sot:
15:00
Bylis-Teuta
18:00
Erzeni- Kastrioti
Të dielën:
15:00
Laçi- Partizani
Kukësi- Vllaznia
18:00
Tirana- Egnatia (Elbasan)