Preloshi e Prodani, Dinamo në krye
- Alsio Preloshi, 19 vjeçari nga Lezha në gjurmët e babait, të famshmit Leonard Preloshi. Goli me roveshatë spektakolar në Dinamo- Turbina. Në gol edhe kurbinasi Indrit Prodani.
Kategoria e Parë, Java 9:
Dinamo – Turbina 2-0
Burreli – Apolonia 1-1
Java e nëntë e Kategorisë së Parë vijoi sot me 2 fida të tjera, Dinamo – Turbina dhe Burreli – Apolonia.
Kryeqytetasit ia dolën të merrnin një fitore të pastër ndaj Turbinës me gjithçka që u vendos në 10 minutat e fundit falë supergolave të Alisio Preloshit dhe Indrit Prodanit.
Dinamo ngjitet përkohësisht në krye të klasifikimit ndërsa Turbina mbetet e fundit me 5 pikë.
Sakaq, në barazim u mbyll sfida tjetër mes Burrelit dhe Apolonisë. Ishin vendasit ata që morën avantazhin të parët teksa më pas fierakët rikthyen baraspeshën me Gjatën 2 minuta nga fundi i kohës së rregullt.
Kategoria e Parë mbyll javën e nëntë nesër me supersfidën Skënderbeu – Flamurtari e cila nis në 16:00 dhe që pritet me mjaft interes./S. Gjidiaj/