Ecën Dinamo, dy përforcime…
Dinamo pa frena në merkato, prezanton dy lojtarë të tjerë
Pas katër afrimeve mbrëmjen e djeshme, Dinamo vijon prezantimet edhe në ditën e fundit të merkatos së verës. Asion Daja dhe Silvio Vokrri janë zyrtarisht lojtarë të “nëndetëses”.
Mesfushori Daja rikthehet të luajë në radhët e Dinamos për dy vitet e ardhshme. Pas eksperiencave në Superiore me Partizanin, Tiranën, Skënderbeun dhe Teutën, 32-vjeçari rikthehet në skuadrën ku debutoi në futbollin profesional.
Sakaq Silvio Vokrri ka firmosur me blutë deri në vitin 2026. Sulmuesi 21-vjeçar është formuar tek ekipet e moshave të Shkëndijës, teksa ka veshur edhe fanellën e Kastriotit në “Abissnet Superiore”. Sezonin e fundit e mbylli te Tomori për të nisur një aventurë të re me 18 herë kampionët.
