Paralajmërohen Partizani e Teuta, Kukësi merr gjobën e parë
Sikundër edicionin e kaluar teksa klubet e Partizanit dhe Teutës nuk preferuan të vendosin logon e sponsorit të Superiores me emrin “Abissnet Superiore” në mëngën e djathtë të fanellës edhe java e parë e edicionit të 84-ët i gjën në të njëjtat pozita.
Disiplina i paraljamëron të dy klubet. Ndërkaq takimi i parë sezonal Kukësi- Tirana u shoqërua nga disa situata jo sportive. Shishet plastike drejt Seferit por dhe sjellja antisportive e sulmuesit Klejdi Daci kaluan në Disiplinë. Pasojat gjobë e paralajmërim. Për lojtarin dy javë pezullim.
Vendimet e Komisionit të Disiplinës dhe Etikës së FSHF (24 gusht 2022).
- KF Partizani, në bazë të nenit 12 të KDS, paralajmërohet se në rast të përsëritjes së mos vendosjes së stemës së Abissnet Superiore, në mëngën e djathtë të fanellës së lojës, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
- KF Teuta, në bazë të nenit 12 të KDS, paralajmërohet se në rast të përsëritjes së mos vendosjes së stemës së Abissnet Superiore, në mëngën e djathtë të fanellës së lojës, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
- FK Kukësi, për sjellje të gabuar të spektatorëve, hedhjen e sendeve në terrenin sportiv, në bazë të neneve 65/1, 65/3/a dhe 65/3/c të KDS, dënohet me gjobë në masën 100.000 (njëqind mijë) lekë.
- Lojtari i FK Kukësi, Klejdi Daci, për sjellje josportive ndaj kundërshtarit, në bazë të nenit 47/1/d të KDS, dënohet me 2 (dy) ndeshje pezullim nga aktiviteti.
