Partizani luan europën në Arenën Kombëtare
E kthimit me Saburtalon të enjten datë 14 korrik ora 20:00 në kryeqytet.
Partizani pjesëmarrës në UEFA Conference League tej faktit që ka zhvilluar deri tani një merkato për tu admiruar, ka marrë lajmin e mirë se takimin e kthimit me kaukazët e Saburtalos do ta zhvillojë në ‘Air Albania Stadium’.
Është vetë klubi kuq i cili ka raportuar lajmin në profilin e tij zyrtar në ‘Facebook’.
Njoftimi:
Klubi Partizani me kënaqësi njofton se ndeshja e kthimit Partizani – Saburtalo e vlefshme për turin e parë të Europa Conference League do të zhvillohet në stadiumin “Air Albania”. Impjanti i kryeqytetit do të jetë stadiumi pritës i të kuqve për takimin ndaj gjeorgjianëve të Saburtalo në program të enjten datë 14 korrik ora 20:00.