Lushkja ‘sherifi’ zyrtar i Tiraspolit
Me gjasë, klubi e shiti për 350 mijë euro dhe mbajti 20% të vlerës së kartonit.
Kavajasi Regi Lushkja ditën e sotme ka firmosur një kontratë 2-vjeçare, me opsion rinovimi dhe për një sezon tjetër me Sherif Tiraspol në Moldavi..
Ish-mesfushori bardhezi, pasi u përcoll si një hero të hënën nga Laçi (Laçi- Partizani 1-0 gol Lushkja 79′) është gati për aventurën e tij të re me skuadrën që verën e kaluar mundi dy herë Teutën (7 dhe 13 korrik 2021) në Champions.
Dy sfidat përballë Bragës në Europa League me Sporting Braga, (e para më 17 shkurt) mundësi e mirë për 25 vjeçarin për të demostruar klasin që mbart.