Agjenti: Insinje nuk e lë Napolin në janar
Andrea D’Amiko, agjenti që ka vepruar si ndërmjetës në transferimin e Lorenzo Insinjes te Toronto Fc, foli për Radio Marte për operacionin që gjeti tymin e bardhë dje:
“Duke punuar për Toronton si përfaqësuesi i tyre, kur e lejuan situatat unë e bëra këtë manovër me Lorencon menjëherë. Këto operacione nga këndvështrimi im duhet të mbahen të fshehta derisa të përfundojnë, sepse atëherë është shumë i rëndësishëm.
Por të mbash gjithçka të fshehur është shumë e vështirë.Celularët dhe kamerat, gazetarët bëjnë punën e tyre. Ne kemi interes fillimisht të arrijmë marrëveshjet e më pas ti komunikojmë”.
A mund ta marrë Toronto Insigne që në janar?
“Sigurisht që jo, operacioni ishte projektuar për ta çuar në korrik. Tani Lorenzo është plotësisht i fokusuar për sezonin me Napolin. Për sa kohë që jeni në kontakt me një ekip, jepni gjithçka për atë ekip, atëherë përqendroheni në diçka tjetër”, ndër të tejar D’Amiko.
