Mazrekaj është “Laçi”, fiton dhe Partizani
Laçi-Teuta 2-0 (Mazrekaj 43’, Guindo 90+2′)
Laçi me Josën në timon, duket se ka gjetur modulin e duhur për të ecur përpara. Sot bardhezinjtë mundën 2-0 Teutën dhe tani janë pozicionaur në vendin e “zakonshëm”- të katërt.
Ekipi vendas i etur për të fituar çdo dyluftim dhe për të arritur te pikët maksimale u shfaq që në fillim kërkues e diktues. Por te kurbinasit sot u pa një Mentor Mazrekaj i jashtëzakonshëm.
Pasi dha dy asiste të shpërdoruar çuditshëm nga lojtarët e tjerë, realizoi një gol perlë në të 43-tën. Prishtinasi 32 vjeçar nga loja e ndaluar, prirtaz me kuadratin dhe në distancë, lëshoi një top drejt e në rrjetë.
Pjesa e dytë ishte disi më e mirë për Teutën por në fund Guindo gjeti golin e dytë për të zotët e shtëpisë.
Kastrioti-Partizani 0-2 (Musta 37′, Rrapaj 90′)
Ndërkaq, në Kamëz, Kastrioti nuk e ndali dot Partizanin në betejën shtëpiake. Të kuqtë falë golave të Mustes dhe Rrapajat arritën fitoren e parë në kampionat. Për krutanët tani janë shfaqur shenjat e forta të krizës së fundit të tabelës.
Ndërkaq java e 8-të mbyllet nesër me takimin Egnatia- Vllaznia./Sportiim.al/
Klasifikimi:
