Maks Verstapen “meksikani” fitues, Perez në podium…
Me katër gara nga fundi, piloti holandez, zgjat duart te titulli kampion bote në F1. E radhës pas një jave në Brazil.
Para 150 mijë tifozësh, piloti i Red Bull Maks Verstapen fiton Çmimin e Madh të Meksikës në Formula 1 dhe i afrohet ndjeshëm trofeut të kampionit të parë Botëror.
Piloti holandez (në festë me babain e tij pas garës),fiton aktin e tetëmbëdhjetë të Kampionatit Botëror dhe e çon avantazhin ndaj Hamiltonit në klasifikimin e përgjithshëm në 19 pikë.
Piloti me numër 33, dominon GP-në e Meksikës duke e vënë Mercedesin në vështirësi që në xhiron e parë. Niset Botas, Hamilton pas tij dhe i treti Verstapen.
Finlandezi i ngushton rrugën shokut të skuadrës Hamilton ndërsa Maks me Red Bull përfiton nga e majta e pistës për ti parakaluar të dy.
Hamilton nuk mund të bëjë gjë tjetër veçse të ndjekë rivalin e tij të drejtpërdrejtë në distancë dhe të mbrojë vendin e dytë nga sulmet e meksikanit të Red Bull, Serxhio Perez i cili preku historinë duke hipur në podiumin e Meksikes.
Klasifikimi në Meksikë: