Rikthehet Kupa, Partizani në Lezhë, Dinamo- Tirana…
Do të zhvillohen nesër ndeshjet e vajtjes së turit të dytë të Kupës së Shqipërisë në futboll. Duke nisur nga ora 14:00, shtatë duele për t’i lënë vendin supersfidës në ‘Air Albania Stadium’ ndërmjet Dinamos dhe Tiranës.
Kështu për një vend te 1/8 e Kupës, edicioni i 70-të, në terren të gjitha skuadrat e Abissnet Superiore.
Partizani në një moment kritik në kampionat, do gjëjë Besëlidhjen e Lezhës në Kupë. Lezhjanët sikundër të kuqtë e kanë nisur jo mirë edicionin e ri pasi vetëm në javën e 7-të të Kategorisë së Parë, arritën fitoren e parë sezonale. Në 2016-17 dhe 2019-20, Besëlidhja e ka eleminuar Partizanin nga ky kompeticion.
Ndeshjet e tjera me pritshmëri të lartë janë ato të Peqinit (Egnatia- Kukësi) si dhe Bylis-Skënderbeu.
Pa folur këtu për sfidën e fundit të ditës atë që nis në 16:45 në “Arenën Kombëtare” teksa Dinamo e Tirana nisin duelin e parë nga tri të parashikuara radhazi mes tyre në 03 dhe 17 nëntor për Kupë dhe në 05 nëntor për kampionat.
Te blutë në përballjen e 138- me Tiranën do të ketë dy-tri mungesa të detyruara ndërsa te bardheblutë, trajneri Shehi, ka lënë jashtë formacionit Totren dhe Xhixhën.
Kupa e Shqipërisë / Kalendari për turin e dytë, takimet e vajtjes për 1/8-at:
14:00
Besëlidhja-Partizani
Korabi-Teuta
Bylis- Skënderbeu
Pogradeci- Vllaznia
Flamurtari- Kastrioti
Egnatia- Kukësi (Peqin)
Tomori- Laçi
16:45
Dinamo- Tirana (Air Albania) /Sportim.al/