Nuabueze në ‘tribunë’, asnjë gol te Kuala Lumpur
U largua nga Laçi për të migruar në Malajzi. Kirian Nuabueze, sulmuesi që me Laçin në sezonin 2019-20 u shpall golashënuesi më mirë me 24 gola vazhdon karrierën sportive me Kuala Lumpur.
Pasi shfaqi disa probleme shëndetësore ‘Kiri’ zgjodhi të largohej me mirëkuptim nga radarët e Superiores duke lënë sezonin e kaluar me 7 gola.
Por aventura e nigeriano- amerikanit 28 vjeçar duket se ka patur një ecuri mjaft negative.
Transferimi i amerikanit për te ekipi i Bojan Hodak, u realizua për të zgjidhur problemin e “sulmuesit kryesor” që kishte penguar skuadrën e Kuala Lumpur City për të ecur përpara. Dëmtimi i Dominic da Sylva, si dhe pasiguria për cilësitë e Romel Morales (në fakt Morales po shënon rregullisht), bënë që Nuabueze të ishte afrim i detyruar’, shkruanin mediat vendase.
Ndërkaq, nuk ka një raport të qartë lidhur me pozicionin e ish-bombërit të Superiores. Mungesa e minutave të ish-sulmuesit të Laçit, duket disi e habitshme. Ai ka luajtur vetëm 85 minuta e për pasojë, ende nuk ka provuar golin malajzian.
Në të shkuarën Nuabueze është aktivizuar edhe në Armeni, Maqedoninë e Veriut, Slloveni dhe në Kosovë te Drita, para se t’i bashkohej bardhezinjve të Laçit./Sportiim.al/
