Bismark te Skënderbeu
Sulmuesi ganez Bismark Ngisah i piketuar nga Vllaznia është zyrtarisht i Skënderbeut. Sulmuesi 23 vjeçar, ka pranuar ofertën e korçarëve dhe firmosur në skuadrën e drejtuar nga pogradecari Migen Memelli.
Njoftimi:
“Bismark Ngissah zyrtarisht bardhekuq! 23-vjeçari nga Gana pasi ka arritur marrëveshjen me klubin, sot ka mbërritur në Korçë ku fillimisht u njoh me ambientet e klubit dhe u prezantua për mediat.
Sulmuesi ka firmosur kontratën që e lidh me klubin tonë për sezonin 2021-22 me të drejtë rinovimi edhe për një sezon tjetër.