Çoba tri gola në dy miqësore, Vllaznia ecën…
Miqësore:
Novi Pazar- Vllaznia 2-2
Llapi- Teuta 1-0
Në Zlatibor të Serbisë, teksa Vllaznia vijon përgatitjet sot ka zhvilluar një tjetër test miqësor,pikërisht me sebët e Novi Pazarit.
Vllaznia e nisi shumë keq aq sa në gjysmë ore lojë pësoi dy gola por të besuarit e Brdariç reaguan dhe rihapën ndeshjen me anë të Çobës në fundin e pjesës së parë.
Më pas ishte sërish Çoba që shënoi edhe golin e dytë për kuqeblutë, duke shmangur humbjen ndaj një kundërshtari në formë mjaft të mirë.
Ky ishte testi i dytë miqësor për shkodranët në Zlatibor, pasi më herët kuqeblutë barazuan edhe përballë malazezëve të Sutjeskës 1-1. Edhe në atë test autori i golit ishte talenti i ri shkodran Çoba.
Ndërkaq në testin Llapi- Teuta shifrat folën për podujevasit të cilët shënuan me Alef Firminon të vetmin gol të ndeshjes në minutën e 90-të me penallti.
