Superiore/ E shtuna me dy duele ‘flakë’
Përgatiti: Isuf Myrtaj
E 26-ta e Kategorisë Superiore nis me dy përballje mjaft të forta. Ndeshjet e parafundit të fazës së tretë; Vllaznia-Partizani në ‘Loro Boriçi’ dhe Teuta-Laçi në ‘Niko Dovana’ fshehin misterin e madh të rezultatit përfundimtar.
Klasifikimi në këtë pikë të garës, nuk favorizon askënd pasi që nga shkodranët e Brdariç ndërsa kryesojnë me 45 pikë, e deri te Teuta e pozicionuar e 4-ta, ndajnë 2 pikë.
Vllaznia: Vjen me moral të lartë. Teknikisht ka fituar një ndeshje në limite të kohës (0-1 me Kastriotin) dhe më pas ka arritur të materializojë dakortësinë me tatimet për borxhet e prapambetura duke iu afruar liçensimit për në Europë. Dy javët ndërprerje kanë ndihmuar edhe për të rikuperuar futbollistë. Mungon Gurishta i pezulluar.
Partizani: Pesë ndeshje të fundit vetëm një fitore. Barazimi javën e kaluar me Teutën mund të konsiderohet i pranueshëm por një ekip që mediton titullin lipset të ‘shkundë’ rivalët e kreut. Radha për tu matur me Vllazninë. Kontigjenti i plotë por me disa pikëpyetje në zgjedhje.
Teuta: Ndoshta në duelin më të rëndësishëm sezonal. Ndaj Laçit të Shpëtim Duros ende pa fitore. Martini e ka gati skuadrën dhe mungesa e vetme e rëndësishme është ajo e Kuros.
Laçi: Vuan terrenin e vështirë dhe në të tilla duele ka vuajtur. Tirana e mundi në shtëpi në takimin e fundit aty ku shirat dhe erërat e orientonin topin sipas ‘oreksit’. Në kohë me diell, bardhezinjtë janë monumentalë. Aktualisht me sulmin më të spikatur. Ndaj Teutës e plotë.
Ndeshjet të shtunë të diel java 26-të:
16:00
Vllaznia-Partizani
Teuta-Laçi
Të dielën:
13:00
Tirana-Apolonia
Bylis-Kastrioti
16:00
Kukësi-Skënderbeu (Elbasan Arena)