Josa shkon te Kukësi, Hallaçi mbetet në staf…
Nuk kanë të ndalur bëmat në klubet e Kategorisë Superiore. Mirel Josa, 57 vjeç, do të marrë vendin e Rrahman Hallaçit te verilindorët.
Tekniku ‘engjëll dhe djall’ me Tiranën (kampion dhe e rrëzoi nga Superiorja) kampion me Skënderbeun në të shkuarën, ka firmosur për 18 muaj.
Efekti “domino” për Rraman Hallaçin i cili sapo mori dy fitore, do ti duhet të rikthehet në rolin e ndihmësit. Verilindorët e nisën sezonin me Skënder Gegën i cili disa javë më parë, dha dorëheqjen pa dhënë shumë argumente për largimin.
Ky është trajneri i tretë në 16 javë te Kukësi i këtij sezoni. Verilindorët, ende nënkampionë në fuqi, aktualisht janë në vendin e 5-të të Superiores me 23 pikë.