Basketbolli bashkon trojet, nuk i shpëton politizimit
Parashikohet një takim ndërinstitucional, Kryeministri shqiptar pritet ta bekojë me ‘logon’ Unike.
Është arritur marrëveshja për krijimin e Ligës Unike në basketboll mes Shqipërisë dhe Kosovës. Një hap madhor i cili pritet të çertefikohet nesër pasdite në Tiranë teksa 4 skuadra nga Shqiperia dhe po aq nga Kosova, do përbëjnë fashon e parë të ketij kampionati të përbashkët.
Axhenda parashikon (19:00) nesër në Tiranë nënshkrimin zyrtar nga presidenti i Federatës Shqiptare të Basketbollit Avni Ponari dhe homologu i tij i Federatës Kosovare të Basketbollit, Arben Fetahu.
Parashikohet të asistojë Ministrja e Arsimit, Rinisë dhe Sportit në Shqipëri, Besa Shahini e Ministrja e Kulturës, Rinisë dhe Sportit në Kosovë, Vlora Dumoshi.
Sakaq, Kryeministri I Shqipërisë Edi Rama, me shumë mundësi do të zbulojë logon e Ligës Unike.
