Leo Mesi nuk tërhiqet, “lufta” vazhdon…
Leo Mesi, sot ka përsëritur dëshirën e tij për t’u larguar nga Barcelona dhe LaLiga, gjatë kësaj periudhe tregu të verës.
Në një deklaratë, babai-menaxher Jorge Mesi, ka shpjeguar se klauzola e lirimit prej 700 milionë euro nuk është më e vlefshme, sepse lojtari e ka ushtruar klauzolën për të zgjidhur në mënyrë të njëanshme marrëveshjen, brenda kohës së caktuar.
Leo, në deklaratën e tij drejtuar presidentit të LaLiga-s, nuk e përmend Barcelonën, por ai e rikonfirmon “luftën” e hapur dhe dëshirën për t’u larguar. Mesi nuk ka bërë asnjë hap prapa…
Ndërkohë, LaLiga ka reaguar menjëherë pas deklaratës së Mesit, duke përsëritur qëndrimin e saj, se klauzola prej 700 milionë eurosh duhet të paguhet plotësisht, nëse Mesi do të largohet nga klubi katalan.
