Dëmtohet Gjini, ndërpritet miqësorja…
Vetëm 56 minuta ka zgjatur miqësorja Kastrioti-Vllaznia, e nisur sot në orën 17:00 në stadiumin “Redi Maloku” të Fushë-Krujës.
Shkak ka qenë një dëmtim i rëndë në këmbë i futbollistit Luis Gjini të Kastriotit gjatë një ndërhyrjeje, njofton klubi Vllaznia në rrjetet sociale.
Ndërsa stafet mjekësore i kanë dhënë ndihmën e parë emergjente lojtarit, drejtuesit e të dy skuadrave, kanë vendosur ta ndërpresin ndeshjen dhe të mos e vazhdojnë më.
Ishin zhvilluar vetëm 56 minuta lojë dhe rezultati ishte 1-0 për Vllazninë, pasi golit të shënuar nga braziliani Viktor da Silva (44’).