Muriqi kalon ‘Adriatikun’…
Vedat Muriqi mund të quhet një futbollist i Lacios në Seria A.
Sulmuesi nga Kosova ishte prej kohësh në epiqendër të skuadrave europiane, por në fund Igli Tare dhe Lacio e kanë bindur sulmuesin dardan të japë përgjigje pozitive.
Kontrata do të jetë 5-vjeçare dhe Muriqi do të kalojë te Lacio për afro 20 milionè euro. Pritet që dhe skuadrat e Teutës dhe Besës, me të cilat ka luajtur Muriqi, të marrin bonuse të përkthyera në euro.
Ka qenë gazetari turk Ahmet Selim Kul, i cili në një emision sportiv në ‘A Spor’ teksa foli për marrëdhënien Muriqi- Lacio, ka konfirmuar se ekipi nga Roma, ka rritur ofertën për lojtarin e Fenerbahçes.
“Lazio ka ngritur ofertën në 20 milionë euro përfshirë bonuset. Transferimi ka arritur në fazën përfundimtare dhe së shpejti pritet zyrtarizimi”, tha Ahmet Selim Kul.