Muçi po ai, gola dhe finesë në miqësore…
Miqësore në Pogradec: Pogradeci- Tirana 0-3
Tirana në prag të ndeshjes me Dinamo Tbilis po përpiqet të jetë sa më e plotë dhe kualitative. Paralelisht me seancat e ditës, bardheblutë po punojnë edhe për forcimin e grupit.
Drejtuesit kanë pikasur në Ganë, Derrik Sasrakun, i cili me gjasa do të marrë vendin e Ngosë në sulm. 26-vjeçari, vjen nga skuadra e Medeame.
Ndërkaq, sikurse ishte parashikuar, skuadra e Tiranës me pozicionim gjeografik këto ditë në Pogradec, luajti një test miqësor pikërisht me skuadrën vendase të Kategorisë së Parë.
Kampionët nuk e disikutuan për asnjë moment fitoren, teksa me shifrat 0-3, vijuan treguesit e mirë të edicionit që sapo u mbyll. Në gol shkoi talenti Ernest Muçi dy herë (35’; 45’), ndërsa të tretin e shënoi Avdiaj (78’) .
Në këtë miqësore trajneri Egbo vendosi të rreshtojë në formacion e Tiranës: Lika, Toli, Vangjeli, Hoxhallari, Ismajlgeci, Kale, Batha (C), Çelhaka, Torasa, Kobina, Muçi. U aktivizuan edhe: Qirko, Vrapi, Muça, Stafa, Sefa, Najdovski, Toshevski, Nuriu, Halili, Avdijaj.