Belgu Vertongen, nga Londra drejt Lisbonës
Jan Vertongen është afër nënshkrimit me Benfikan dhe mund të bashkohet në klubin portugez, me sulmuesin uruguajan Edinson Kavani.
Mbrojtësit belg i ka përfunduar kontrata me klubin dhe u largua këtë verë nga Totenhem, pas tetë vitesh në Londrën veriore.
Ai ka qenë në bisedime me gjigandët portugezë ditët e fundit, raporton “Record”. Përflitet, se 33-vjeçarit i është ofruar një kontratë tri-vjeçare nga Benfika.
Mbrojtësi i kombëtares belge ka qenë në diskutime edhe me disa ekipe të tjerë, ku me gjasa, Roma dhe Fiorentina, janë të interesuara për firmën e Vertongen.