Pedro operohet, falënderon fansat…
Në finalen e “FA Cup”, sulmuesi Pedro në fundin e ndeshjes doli i dëmtuar nga fusha, pas një përplasjeje me portierin e “topçinjve”, Emiliano Martinez. Kjo ishte edhe ndeshja e fundit e spanjollit me “blutë”, pas gati pesë vjetësh në klubin londinez të Çelsit.
Pedro ka nënshkruar një marrëveshje 2-vjeçare me skuadrën italiane të Romës, por me gjasa sulmuesi do ta humbasë fillimin e sezonit të Serisë A. Në Instagram, spanjoli nëpërmjet një selfie në shtratin e tij në spital, konfirmon se i është nënshtruar një operacioni i tij, i cili ka shkuar mirë.
“Ndërhyrja kirurgjikale shkoi mirë, unë do të kthehem së shpejti. Ishte për të ardhur keq që nuk e fituam FA Cup. Faleminderit të gjithëve për mbështetjen tuaj,”– shkruan Pedro për fansat e tij.