Uniforma e re e Sitit, simboli i Mançesterit…
● Marrëveshja me Puma, 65 milionë në vit, e treta më e shtrenjtë në Premier League, asaj të Liverpulit me 80 milionë dhe Junajtid me 75 milionë paund
Mançester Siti dhe Puma sot në mëngjes hodhën në treg kitin e dytë të uniformave të reja për sezonin e ri 2020-21. Dizajni, me ngjyrë të zezë me nuancë bakri, tregon një model të urës në Castlefield, një zonë për të cilën klubi thotë se është “simboli” i Mançesterit.
David Bremond, shefi i veshjeve të licencuara nga Teamsport, tha: “Ne kërkuam vende ku njerëzit mblidhen për të eksploruar kreativitetin e tyre përmes artit dhe muzikës. Castlefield është i pasur me histori dhe domethënie për qytetin; ajo vërtet lidhet me skenën kulturore rinore dhe rrënjët krijuese.
Ura mbi kanalin është një dizajn ikonik, i cili na frymëzoi të sjellim këtë strukturë klasike në jetë përmes modelit dhe ngjyrave të fanellës së re. Ne kemi dashur që fanella të ndjehet e veçantë për tifozët dhe të tregojë kulturën e pasur të Mançesterit”.
Fushata 2020-21 është sezoni i dytë i Sitit të veshur me Puma, kundrejt një marrëveshjeje prej 65 milionë paund në vit, me kompaninë gjermane të veshjeve sporteve.
Marrëveshja e Mançesterit është e treta më e shtrenjta në Premier League, pas marrëveshjes prej 80 milionë të Liverpulit me Nike dhe marrëveshjes prej 75 milionë paund në vit të Mançester Junajtid me Adidas.