Teuta, fituese e Kupës së Shqipërisë
Finalja numër 68: Teuta-Tirana 2-0 (R. Hoxha 2′, L. Vila)
Finalja merr ngjyrat blu të Teutës së Durrësit. Në ‘Air Albania Stadium’ durrsakët e teknikut Edi Martini, thyejnë pa shumë vështirësi Tiranën e Egbosë në finalen numër 68 të Kupës së Shqipërisë.
Një gol i Rustem Hoxhës në start, ka bërë lëmsh planet e bardhebluve, të cilët përgjatë gjithë pjesës së parë, nuk arritën të shfaqen të rrezikshëm te porta e Frashërit.
Pragmatiste Teuta, e cila vetem në pjesën e dytë ndjeu disi presionin e kampionëve më të rinj të Shqipërisë. Gjithsesi, një gabim në mbrojtje e Tiranës, kushton aty ku Lorenco Vila dyfishon shifrat, duke i dhënë udhë trofeut për në Durrës.
Teuta fiton trofeun numër 4 në histori, ndërsa e sotmja përkon me 100-vjetorin e themelimit të klubit. Nga 4 trofetë, 3 i ka marrë ndaj Tiranës.