Teuta në festë, Martini ia del me trofetë
Teuta, pas 15 vite pritjeje, shpallet fituesja e Kupës së Shqipërisë në edicionin e 68-të të kompeticionit të dytë për nga rëndësia. E drejtuar nga Edi Martini, Teuta ka arritur të marrë trofeun, pasi mposhti me shifrat 2-0 Tiranën në stadiumin “Air Albania Stadium” .
Në fakt, përpos meritës së futbollistëve në fushë, presidencës me z Edmond Hasanbelliu në krye, emri i Edi Martinit, lidhet pa zgjidhshërisht me klubin durrsak. Pasi ka fituar një Kupë dhe një titull kampion si futbollist, Martini në rolin e trajnerit, fiton dhe trofeun e dytë personal.
Në verën e vitit 2009, tekniku shkodran në krye të Laçit, pasi e ngjiti ekipin kurbinas në Kategorinë Superiore, fitoi edhe Kupën e Kategorisë së Parë. Sot arritja është goxha më e madhe, pasi Edi Martini ngjit në piedestal Teutën duke i dhuruar Kupën e Shqipërisë.