Pedro dëmtohet, Çelsi me 9 lojtarë në fushë
Lajm i keq për Pedron, i cili në finalen e Kupës FA, midis Çelsit dhe Arsenalit, u detyrua të linte fushën e blertë në minutat e fundit të lojës.
Sulmuesi spanjol, i cili pritet të largohet nga “blutë” e Londrës dhe ka arritur një marrëveshje me Romën për sezonin e ardhshëm, mbeti në tokë për disa minuta, pasi ka dëmtuar supin e djathtë.
Pasi ka marrë ndihmën e parë nga stafi mjekësor, Pedro ka lënë fushën e lojës dhe skuadrën e Çelsit me nëntë lojtarë, pasi më herët Kovaçiç ishte ndëshkuar me karton të kuq.
Ekzaminimet e mëtejshme mjekësore të specializuar nesër do të përcaktojnë edhe shkallën e dëmtimit të futbollistit spanjol, që në pamje të parë duket e rëndë.