Tirana festa në… ‘izolim’
Trofeu të mërkurën: Shtimi i rasteve me COVID-19, dikton ndeshjen Tirana-Bylis dhe ceremoninë e dorëzimit të titullit kampion pa tifozë.
Spostoi ndeshjen e javës së fundit të kampionatit në stadiumin “Air Albania” me synim të zgjerimit të protokollit me persona në tribunë, por kampionët e rinj të Kategorisë Superiore, Tirana, duhet të festojë në ‘izolim’ titullin 25-të kampion.
Klubi bardheblu, ndërsa kërkoi të marrë trofeun e Superligës në vitin jubile të 100-vjetorit të themelimit, në praninë e një numri të kufizuar personash, kryesisht familjarë të futbollistëve, stafit teknik dhe drejtuesve, adresoi një shkresë zyrtare në instancat përkatëse mirëpo përgjigja duket refuzuese.
Kampionët e Shqipërisë iu drejtuan me një kërkesë zyrtare Ministrisë së Shëndetësisë, duke premtuar respektimin distancimit social dhe protokollit të miratuar nga vetë shëndetësia.
Drejtori i klubit kryeqytetas Arbi Laçi, deklaronte javën e kaluar e kjo nuk është kërkesa e parë e klubit drejt instutucionëve të FSHF-së, apo Ministrisë së Shëndetësisë, mirëpo me gjasë Tirana ka pak, ose aspak shanse, të festojë sipas asaj që ka lajmëruar.
