Bashaksehir, kampioni i ri në Turqi
Me ndeshjen e sotme Kashimpasa-Instambul Bashaksehir (16:00), Superliga turke mbyll edicionin sportiv 2019-20.
E gjithë java u luajt dje, por për kampionët e rinj të Bashaksehirit, ndërsa ndeshjet e luajtura nuk ndikonin te çifti i sotëm, duket se është rezervuar një ditë speciale.
Ish-skuadra e Cikalleshit, në mënyrë surprizë la prapa të gjitha skuadrat e mëdha turke, si Beshiktash, Fenerbahçe, Gallatasaraj apo Trabzanspor.
Renditja në vend të 6-të e Gallatës, ka shokuar mbështetësit e skuadrës së madhe, por dhe drejtuesit. Por më keq akoma në vend të 7-të u rendit Fenerbahçe e Muriqit, e cila pritet të luajë në Europë vetëm nga fakti që Trabzanspor i dyti, është i pezulluar nga UEFA.
Ndërkaq për Gallatasarajin e Fatih Terim, ka një lajm të mirë. ‘Perandori’, pritet të ketë në skuadër Arda Turan (“ishi”- i Barcelonës), i cili me gjasë, do të nënshkruajë për Gallatasarajin.
