Maliqi dhe Albpetrol ecin, Ada rrezikon rënien
Bëjnë përpara Maliqi dhe Albpetroli në Kategori të Dytë. Takimi mes tyre në Maliq parashikon duelin për t’u ngjitur në Kategori të Parë.
U luajtën ndeshjet e “play-off’ në Grupin B të Kategorisë së Dytë, mes Maliqit dhe Memaliajt në Maliq, si dhe në Patos ajo mes Albpetrolit dhe Butrintit.
Të dyja ekipet do të ndeshen mes tyre dhe fituesi i çiftit ka shans që të ndeshet me ekipin që shkon në “play-off” nga Grupi A, që zyrtarisht është Veleçiku Koplik (Dinamo ka një ndeshje të fituar në tavolinë, koplikasit e kanë mbyllur).
Ndërkohë, sa i përket “play-out”, në ‘Selman Stërmasi’, Gramozi i Qirjakos ka mundur Adën 2-3, me kolonjarët që mbijetojnë në kategori.
Ada e presidentit Alfred Pjetri ka edhe një shans, pasi duhet që të ndeshet me Valbonën e Kategorisë së Tretë që zuri vendin e tretë pas Labërisë dhe Bulqizës.
Rezultate sot:
Ndeshjet e sotme / Kategoria e Dytë
“Play-off”
Albpetrol – Butrinti 2-0
Maliqi – Memaliaj 2-1
“Play-out”
Ada-Gramozi 2-3
