Kokëdhima: ‘Mihana shitet në Seria A’
E bujshme. Njërit prej futbollistëve të Apolonisë, i del emri në Seria A.
Apolonia fitoi Grupin B në Kategori të Parë dhe më pas finalen e trofeut të kësaj kategorie tri ditë më parë në ‘Elbasan Arena’ me fituesin Grupit A, Kastriotin 2-1.
Ishte folur e shkruar shumë për ekipin e suksesshëm të presidentit Koço Kokëdhima dhe të teknikut Mergjyshi. Madje duke evidentuar moshen e re, dhe disa elementë të spikatur në radhët e tyre.
Vetë Kokëdhima në një deklaratë në mediat vizive, pas finales, mes të tjerave do të deklaronte: “Ne duam tek Apolonia lojtarë që ëndërrojnë të lozin ne tregjet e pasura të futbollit.”
Duket se kreu i klubit ka patur në mendje lojtarë si Redon Mihana, Mario Gjata, apo ndonjë tjetër.
Por sot nga burime konfidenciale ‘Sporti im.al’ mëson se presidenti i fierakëve, ka lëshuar deklaratën më të bujshme se: “21 vjeçari Redon Mihana, do të shitet në Seria A”.
Në fakt, fantazisti bardhëjeshil, mahniti në finalen e fituar me krutanët teksa dha disa asiste dhe shënoi njërin nga golat e formacionit të Apolonisë. Një deklaratë e tillë edhe pse në konfidencialitet e Kokëdhimës, duhet marrë në konsideratë…
