Alarm në Zvicër, ekipi i Zyrihut në karantinë
● Raste të reja me koronavirus te Zyrihu, i gjithë ekipi mbyllet në karantinë. Presidenti i Sion lëshon thirrjen: “Kampionati duhet të mbyllet menjëherë”
Alarm në Super League zvicerane. Rasti i futbollistit Mirlind Kryeziu me Covid-19 nuk është i izoluar. Kontrollet e kryera te skuadra e Zyrihut zbuluan raste të tjera midis lojtarëve.
Për momentin, klubi nuk specifikon numrin e futbollistëve të testuar pozitivisht, por njoftoi se “të gjithë pjesëtarët e skuadrës janë në izolim të brendshëm”. Një situate e tillë rrezikon seriozisht mbarëvajtjen e kampionatit zviceran deri në përfundim.
“Ne ndjekim udhëzimet dhe udhëzimet e departamentit të shëndetit për kantonin dhe marrim masat e nevojshme,” shpjegoi klubi i Zyrihut, skuadra e parë europiane që e gjitha është në karantinë.
Reagimi i presidentit të Sionit është i menjëhershëm dhe shumë i ashpër. “Kampionati duhet të mbyllet menjëherë,” ka deklaruar Kristian Konstantin pas shtyrjes së takimit Zyrih-Sion dhe Basel-Zyrih.
“Ne vendosëm Kupën e Zvicrës ta zhvillojmë në gusht, sepse nuk ishte e mundur të luhej çdo dy ditë, – shtoi ai. – Nuk e di se si do t’i bëjmë, pasi UEFA ka kërkuar që ligat të përfundojë deri më 3 gusht. Për më tepër, Bazel luan gjithashtu në Europa League … “.
