“Endërroj Kristiano Ronaldon te Marseja”
● Ideja shokuese të një sipërmarrësi franko-tunizian që përkon të blejë klubin francez, që sytë i ka te ylli portugez të Juventusit
Sipërmarrësi franko-tunizian Mohamed Ayachi Ajroudi është mjaft afër blerjes së klubit francez Olimpik Marsejës. Dhe ambiciet e tij janë të mëdha, që shumëkush i quan edhe utopira…
“A ëndërroj blerjen e Kristiano Ronaldos? Në jetë gjithçka është e mundur, është një ëndërr që më emocionon”, ka deklaruar ai në intervistë për gazetën franceze ‘Le Figaro’.
“Kristiano Ronaldo, – vazhdon Ajroudi, – më pëlqen për respektin që tregon, disiplinën e tij të veçantë dhe shpirtin e madh të sakrificës, me të cilin ai bën punën e tij”.
Në Ligue 1, që u mbyll në muajin mars pas shpërthimit të pandemisë globale të koronavirusit, Olimpik Marseja përfundoi e dyta, pas Paris SG, që u shpall kampione në Francë.
