Zidan: ‘Kam futbollistët më të mirë…’

Trajneri i Real Madrid, Zinedin Zidan foli për mediat nga ‘Real Madrid City’ në një konferencë për shtyp. Para se skuadra e tij Reali të ndeshet të dielën me Eibar (17:30), trajneri u ndal te zhvillimet e fundit duke nisur fillimisht me ngushëllimet e tij për familjet e të gjithë atyre që kanë humbur jetën nga koronavirusi. Më pas francezi foli për skuadrën dhe vendin ku do të luajë deri në fund skuadra:

Rinis La Liga…

“Dua të shpreh dashurinë time ndaj të gjithë atyre që kanë humbur të dashurit në këto periudha shumë të vështira.Dua të shpreh falënderimet e mia për të gjithë profesionistët e shëndetit dhe ata që kanë punuar për të shpëtuar jetën e njerëzve dhe natyrisht, për të gjithë ata anëtarët e familjes Real Madrid që nuk janë më me ne. Këto janë kohë të vështira,të çuditshme, por ishte e rëndësishme të flisnim fillimisht për këtë gjë “.

Përgatitja për kthim….
“Ne e dimë që kemi kaluar disa periudha të vështira. Shumë njerëz kanë pasur një kohë më të keqe se ne dhe jemi mjaft me fat që kemi mundësi të fillojmë përsëri. Lojtarët janë të lumtur dhe mirënjohës që po kthehen në punë. Keni bërë disa punë të mira të fitnesi, nuk ka dyshim për këtë dhe janë gati që gara të fillojë përsëri, gjë që është gjëja më e rëndësishme “.

Duke luajtur në Alfredo Di Stéfano…
“Është stadiumi ynë. Ne jemi mësuar të luajmë në ‘Bernabeu’ por do t’i përshtatemi rrethanave. Ne jemi të kënaqur. Jemi stërvitur atje, dimensionet janë të njëjta dhe ne jemi gati të luajmë në ‘Di Stéfano “

Skuadra?
“Ky është Real Madrid dhe ne kemi lojtarët më të mirë. E di që do të kem dhimbje koke përzgjedhëse, si gjithmonë. Është detyra ime, detyra e trajnerit është të zgjedh nga 25 lojtarët. Ne kemi tre ose katër lojtarë që janë të lënduar. Të gjithë ata që janë në dispozicion janë në gjendje të mirë dhe unë do të marr vendimet e mia.”- ndët të tjera Zidan.