Mbrojtësi 20-vjeçar Kalulu, “vishet” kuqezi
Mbrojtësi Pierre Kalulu ka rënë në rrjetat e kuqezinjve të Milanit, pas rekomandimeve të shefit të skautëve, Mokada. 20-vjeçari i talentuar i Olimpikut të Lionit, duket i bindur drejtuesit milanistë për t’u bërë pjesë e skuadrës së tyre kuqezi, sezonin e ardhshëm.
Me këtë lëvizje Milani ka mundur të parakalojë interesat e gjermanëve të Bajern Mynihut dhe të spanjolëve të Sevijës për mbrojtësin e ri të skuadrës franceze.
Tymi i bardhë për këtë marrëveshje ka dalë në shtëpinë kuqezi, ndërkohë që firma së shpejti në kontratë do të zyrtarizojë transferimin e tij në radhët e Milanit.
