Tërhiqet Japonia, MotoGP e gjitha europiane
Moto GP vetëm në Europë. Është ky verdikti final i botërorit të garës më spektakolare mbi motorrë, ardhur nga DORNA dhe kreu i saj Karmielo Ezpeleta.
“Ne do të qëndrojmë në kontinentin e vjetër deri në mesin e nëntorit: do të përpiqemi të bëjmë sa më shumë gara të jetë e mundur”, – tha Ezpeleta për zyrtaren e MotoGp.
Në fakt ky vendim, vjen fill pas anulimit të Çmimit të Madh të Japonisë, i planifikuar për më 18 tetor. Tashmë kur gjërat janë zyrtarizuar, pistat e Europës lipset të bëjnë llogaritë e të presin këtë kampionat të cunguar.
Spanja me kontribute madhore në infrastrukturë e kampionë, pritet të marrë rolin primar për të thuajse gjithë botërorin e vitit 2020. Natyrshëm me një protokoll special e pa tifozë.
