Gjilani i shëruar, gati starti përgatitor…
Gjilani i teknikut Gentian Mezani, është duke prodhuar lajm dendur këto ditë në Kosovë. Klubi, fillimisht raportoi dje, se kur u qas për teste para disa ditëve u detyrua të karantnohej ndërsa sot njofton se ka përfunduar me skukses testet për COVID-19.
“Erdhëm në qëndrën studentore, me idenë që do bënim vetëm regjistrimin dhe do vetë-izoloheshim, sepse dokumentacioni do vinte ditën tjetër.
Në momentin e regjistrimit, na thanë ju nuk do mund të dilni, pa kryer karantinën që do ishte 7 ditë”, – ka thënë ndër të tjera, dje Sebino Plaku.
Sot vjen komunikata e klubit teksa njofton se i gjithë kampi i Gjilanit, është negativ:
“KOMUNIKATË PËR SHTYP:
SC Gjilani njofton opinionin se ka përfunduar me suksese testet për ‘COVID-19’.
Futbollistët, stafi teknik dhe personeli i klubit janë nënshtruar testeve në mëngjesin e së premtës në Institutin e Shëndetit Publik në Gjilan, me ç’rast të gjithë kanë rezultuar negative.
Skuadra merr kështu konfirmimin për t’i vijuar seancat stërvitore në prag të rifillimit të edicionit 2019/20.
Gjithashtu, Sport Club “Gjilani” u bën thirrje që të tregoheni të kujdesshëm dhe të rrespektoni rregullat e vëna nga Instituti Kombëtar i Shëndetësisë Publike në Kosovë.”