Kontrolli i topit dhe saktësia, Tirana kampione…
Alarico Rosi merr përsipër të evidentojë dhe analizojë statistikat e Kategorisë Superiore. Rosi ndalet kryesisht te kontrolli i topit dhe golat.
“Futbolli dhe numrat. Për shumë analistë, të dyja nuk bashkohen. Por duhet të themi që me mundësinë e të pasurit të statistikave të kampionatit shqiptar, ju mund të kërkoni raporte për elemente të ndryshme të lojës dhe të gjeni të dhënat në shifra të sakta. Le të shohim disa shembuj.
A është kontrolli më i madh i topit si pasojë e një cilësie më të mirë të pasimeve?
Përgjigja është mjaft logjike: po. Dhe kjo mund të shihet edhe nga grafiku që ndërthur përqindjen e mbajtjes së topit të skuadrave dhe saktësisë në pasime. Ne shohim që ndërsa rritet një vlerë, në shumicën e rasteve edhe tjetra rritet gjithashtu, pra ecin paralelisht.
Në kampionatin tonë Tirana është në krye të renditjes dhe për këtë arsye mund të themi se më shumë posedim topi do të thotë edhe më shumë pikë. Në fakt, përqindja e mbajtjes së topit varet gjithashtu nga strategjia dhe stili i lojës. Thjesht krahasoni pozicionet e Laçit dhe Partizanit në këto renditje dhe mund ta kuptoni se posedimi më i madh i topit nuk është një faktor i sigurtë për sukses.
Nëse unë gjuaj më shumë herë se kundërshtari a do të thotë që unë kam më shumë mundësi shënimi?
Absolutisht jo. Këtu futemi në temën e cilësisë së xhirimit. Nëse gjuaj disa herë në portën e kundërshtarit tim do të kem më shumë shanse për të shënuar, jo. Sa më afër të arrish te porta, aq më e lehtë është të kapësh portën, aq më shumë të kesh një shans të qartë shënimi. Grafiku i mëposhtëm jep një imazh të saktë të konceptit: gjithnjë kërkoni për qëllimin dhe në çdo rast nuk thuhet se është dhënë zgjidhja më e mirë.
Edhe një herë, Tirana është skuadra që udhëheq në përqindje sa i përket golave. Kjo vlerë është e kombinuar me numrin e goditjeve drejt portës. Në grafik janë të kombinuara numri i gjuajtjeve nwë % dhe realizimi i golave.
A ndikon saktësia e goditjeve në portë në golat e shënuar?
Goditja në portë është rezultat i disa faktorëve, përfshirë situatat që shfaqen para gjuajtjes dhe cilësinë e lojtarëve që e kryejnë. Për këtë arsye, një sasi më e madhe e numrit të goditjeve, nënkupton një cilësi më të mirë. Gjithashtu në këtë rast si në të parën, pasi rritet përqindja e goditjeve në portë, rritet edhe numri i golave të shënuar.
Nga kombinimi i dy grafikëve të fundit, mund të arrijmë në përfundimin se një numër më i madh golash mund të vijë duke rritur numrin e gjuajtjeve në portë.”-shkruan FSHF.
