Apolonia për vazhdimësinë, Besa shansi i fundit…
Kategoria e Parë me takimet e Grupit B, mban gjallë aktivitetet futbollistike të ditës së sotme.
Kështu Apolonia e vendit të parë, do të presë në ‘Loni Papuçiu’, Devollin e vendit të 6-të. Skuadra e Artan Mergjyshit, po kalon formë të shkëlqyer sportive dhe sot në shtëpi, pritet të tregojë ambicjet dhe dëshirën për të ruajtur kryesimin.
Interesant takimi i Shënkollit me Orikumin. Vendasit janë disi keq në renditje ndaj sfida me miqtë nga Vlora, mund të vendosë shumë në objektivat sezonalë.
Sikundër edhe përballja Iliria e Fushë-Krujës me Elbasanin. Shanset e miqëve për të evituar fundin, kalojnë pikërisht nga dueli me ekipin e Salës.
Të ndezura takimet Turbina- Lushnja dhe Besa- Pogradeci. Tri nga këto ekipe, Lushnja, Pogradeci dhe Besa,janë në ndjekje të Apolonisë kryesuese.
Të gjitha takimet e javës së 17-të, nisin në orën 14.00.
Apolonia- Devolli
Shënkolli- Orikumi
Iliria-Elbasani
Turbina-Lushnja
Besa- Pogradeci