Mino Raiola: ‘FIFA, hallkë e tepërt në trasferime…’
Së bashku me Horge Mendes dhe Xhonatan Barnet, njihet si themeluesi i FAF (Fooball Agents Forum).
Mino Raiola, i famshëm me trasferimet e lojtarëve ‘Big’, për ‘SportVoetbalMagazine’, ka shpjeguar disa nga situatat e veprimtarisë së FAF në raport me FIFA-n.
Ai tha se FIFA nuk ka të ardhme në lëvizjet e futbollistëve.I quan të tepërta disa ndërhyrje të tyre.
Raiola: “FIFA nuk ka rol në të ardhmen. E dinë mirë. Nëse klubet dhe lojtarët janë dakort me strukturën e re, nuk kanë nevojë për FIFA-n. Shikoni NBA ose MLS, e cila nuk ka askënd mbi kokë…
Ne mendojmë se jemi operacional brenda dy viteve. Atëherë klubet do të jenë në gjendje të zgjedhin, për shembull nuk e kuptoj pse një transferim nga Twente në Verona duhet të kalojë në FIFA. A nuk mund ta bëjmë ne në Evropë?
Kur një lojtar shkon në MLS, transferimi ndjek rregullat e MLS, jo FIFA. Mund të bëhet edhe në Evropë, por jo … ata duan të kontrollojnë gjithçka. FIFA është përqendruar vetëm në fuqi dhe para, jo në rëndësinë e futbollit. Shpresoj që një ditë djali im të jetë në gjendje të thotë: ‘Babai im ka ndryshuar botën e futbollit’.
Sistemi i ri? E hapur dhe transparente, si vetë futbolli. Më e mira del në sipërfaqe, nuk ka më struktura afër, të gjitha bazuar në cilësi. Nëse tregu thotë se jeni i përshtatshëm, të gjithë mund të bëhën presidentë.
Në sistemin e ri do të bëjmë marrëveshje të mira midis klubeve dhe lojtarëve, marrëveshje transferimi, kontribute solidariteti etj. “-ka thënë ndër të tjera agjenti i njohur Raiola.
