‘Air Albania Stadium’, radha e Kukësit
U inagurua në sfidën Shqipëri-Francë për kualifikueset ‘Euro 2020’ dhe më pas ‘Air Albania Stadium’, hapi dyert për derbin Tirana-Partizani.
Më pas, Sindikata e Futbollistëve Profesionistë, organizoi një takim veteranësh (bamirësie) me kombëtaret e Shqipërisë, Italisë,Turqisë dhe Greqisë.
Tashmë në skenë del Kukësi. Kryesuesit e Kategorisë Superiore, duket se kanë gjetur akordin me FSHF-në për të luajtur si pritës në arenën e madhe ndaj Partizanit me 26 janar.
Për llogari të javës së 19-të. Pikërisht në impiantin më të ri në vend, ‘Air Albania Stadium’.
Klubi i Kukësit, paraprin në “Instagram” duke deklaruar se ka gjetur akordin me Federatën Shqiptare të Futbollit.