Partizani del huq, Kukësi ka Abazajin
Miqësore në Turqi: Trabzanspor- Partizani 1-0, Jeni Malatayspor- Kukësi 1-1
Sormani debuton me humbje në krye të Partizanit. Në testin e sotëm me skuadrën e fortë turke të Trabzansporit, formacioni i kuq, edhe pse fillimisht luajti pa ritmin e duhur, u prezantua mirë.
Në këtë takim debutoi me uniformen e kuqe edhe Dorian Kërçiku.
Sorlot në minutën e 22-të, i dha fitoren Trabzansporit ndaj Partizanit. Solomon dhe një gjaujtje kros e Boldor në minutën e 91-të, ishin i vetmi risk te porta vendase.
Ndërkaq Kukësi luajti pak më vonë me Jeni Malatayspor. Në këtë takim, skuadrat luajtën të barabarta përgjatë 45 minutave të para duke mbyllur 0-0.
Me startin e së dytës, turqit kaluan përpara në minutën 55′ me Bulut. reagimi i Kukësit ishte konkrat.
Në minutën e 83-të, Kristaj Abazaj barazoi shifrat në 1-1. Miqësorja e radhës për Kukësin do të jetë ajo me rumunët e Politeknika Isai.