Kategoria Superiore mes befasive teknike…
Java e 14-të e Kategorisë Superiore, pas shtyrjes së saj për një javë, prodhoi rezultate befasuese. Kështu, Partizani kryesues, u ndal në Ballsh nga vendasit në shifra 2-1.
Por befasia tjetër erdhi nga Gjirokastra, teksa Luftetari sfumoi mundësinë për tu kthyer në ‘lojë’ ndërsa u mund pastër nga Vllaznia 0-2.
Edhe Tirana bie në shtëpi. Madje duke u mundur nga Kukësi në 45 minuta të fraksionit të dytë me rezultatin 1-3.
Sakaq, Teuta dhe Laçi, qytetet e të cilave u tronditën më shumë nga tërmeti i 26 nëntorit, arritën të fitojnë e të marrin tri pikët shtëpiake.
Nëse Teuta e gjeti avantazhin ndaj Skënderbeut në limite, bardhezinjtë kaluan pa asnjë problem Flamurtarin 3-0.
Pas kësaj jave, Flamurtari dhe Luftetari, distancohen ndjeshëm nga grupi tjetër i skuadrave në garë duke u pozicionuar si 2 ekipet me mundësi reale për të zbritur në fund të edicionit nga elita.
Te Tirana ka sërish ‘rrëmujë’ ndërsa Nuabueze i Laçit ecën me të tjerë gola personalë.
