Gjici mesazh Duros: ‘Lojtarët janë aty…’
Safet Gjici parajamëron Duron. Kreu i klubit verilindor, ndërsa është pyetur nga ‘SuperSport’ pas barazimit me Partizanin (0-0), ka thënë se në pjesën e dytë nuk i ka pëlqyer shumë skuadra.
E ndërtuar për trofe, skuadra kuksiane po vuan shumë këto javë teksa nuk po arrin të tregojë supermaci në shifra.
‘As i kënaqur as i zhgënyer.U dëmtua edhe Shkurtaj. Natyrisht që do synojmë titullin. Kanë kaluar vetëm 10 javë. Lojtarët aty janë, nuk kam çfarë të them tjetër’-tha shkurt Gjici
Ndërkaq, me grupin pas rekuperimit, është bashkuar Emiliano Musta. Lojtari polivalent, bëri diferencën që kur iu bashkua Kukësit në verë, ndërsa ishte dhe autor golash.
Ndeshja e radhës ndaj vendit të fundit në tabelë Flamurtarit. Kukësi dhe Duro pritet të kalojnë një javë të ‘qetë’. Gjithësesi, Gjici nuk nguron të japë mesazhe…