Nuabueze, ‘gati t’i shënoj Skënderbeut…’
Ndryshe nga e shkuara, Laçi i Armando Cungut, në prag sfidën me Skënderbeun për javën e 11-të, ka zgjedhur Pezë-Helmës për tu përgatitur. Arsyeja është e thjeshtë: Fusha e kompleksit të tyre në Laç, po rimbillet.
Sakaq, sulmuesi Kirian Nuabueze me 9-të golat e tij, ka tërhequr vemendjen maksimale. Sulmuesi në 3 takimet e fundit në ‘erën Cungu’, ka gjetur rrjetën 5 herë.
Në një prononcim për RTSH Sport, dhënë gazetarit Defrim Methasani, Nuabueze e quan moment reflektimi dhe përgjegjësi sezonale kthesën e skuadrës.
Dy takimet e fundit dy fitore në shifra të frikshëm nga 3-0. Ndeshja e radhës? ‘Jemi duke bërë mirë. Personalisht kam gjëndje por është gjithë grupi që po shkëlqen. Jam gati për të tjerë gola.
Ndaj Skënderbeut do të jetë e vështirë por ne shkojmë për të kërkuar vazhdimësinë’-ka deklaruar mes të tjerave Nuabueze.